Сайлау мөмкинлеге бар

МБГББУ "Азалак төп гомуми белем бирү мәктәбе" укучылары "Хәтер бакчасы-2024" Бөтенроссия акциясендә катнаштылар, мәктәп территориясендә 5 нарат утырттылар. Укучыларыбыз һәм укытучыларыбыз үсентеләргә озын гомер теләделәр. Хәтер һәм патриотизм безнең өчен янәшә сүзләр. Утыртылган һәр агач белән без хәзерге һәм киләчәк буыннарны герой ата-бабаларыбыз турында мәңге яшәүче хәтер белән тоташтырабыз. Алар безнең өчен зур җиңү яуладылар.

Үсеп килүче буынны патриотик рухта тәрбияләүгә ярдәм итү максатыннан, гаилә тарихын өйрәнү, туган як тарихына карата кызыксыну уяту, гаилә кыйммәтләрен һәм элемтәләрен ныгытуда ярдәм итү, архив материаллары белән эшләүгә җәлеп итү максатыннан, Татарстан Республикасының Архив эше буенча Дәүләт комитеты «Гаилә архивын тапшыр» конкурсы игълан итә. Конкурс ике этапта үткәрелә: муниципаль һәм республика. Конкурска Татарстан Республикасының барлыкка килү һәм үсеш тарихын чагылдыручы гаилә архивлары кабул ителә (гаилә архивларының төп нөсхәләре Дәүләт архивына саклануга эләгә).

Бүген, 20 майда, Сарман муниципаль районы ГХАТ залында Гаилә учагы капсуласын Әлмәт муниципаль районына тапшыруга багышланган тантаналы чара узды.

МБББУ "Ләшәү-Тамак төп гомуми белем бирү мәктәбе " укучылары "Чиста яр " экологик акциясен үткәрделәр. Күл ярында бергә җыелып, үзләре белән чүп пакетлары алып, ярны җыештырдылар. Бу чарада бик теләп катнаштылар. Балалар күлнең пычрануына китергән сәбәпләрне һәм нәтиҗәләрне ачыкладылар. Эшебезнең нәтиҗәсе - Чиста яр булды. Әгәр дә дөньядагы һәр кеше ким дигәндә җирдән бер пластик шешә, пакет яки башка чүп-чар күтәрсә, безнең җир шарыбыз тагын да чистарак һәм матуррак булачак.