Сарманда "Мәктәпкә әзерләнергә ярдәм ит" акциясе үтте

Бү­ген Сар­ман­ның "Дул­кын" спорт-сә­ла­мәт­лән­де­рү комп­лек­сы янын­да­гы парк­та "Мәк­тәп­кә әзер­лә­нер­гә яр­дәм ит" хәй­рия ак­ци­я­се үт­кә­ре­лде. Район башлыгы Фәрит Хөснуллин һәм "Бердәм Россия" Бөтенроссия сәяси партиясенең Сарман җирле бүлекчәсе башкарма комитеты җитәкчесе вазифаларын башкаручы Гөлүсә Харисова аз ке­рем­ле га­и­лә­ләр­дән бул­ган бе­рен­че сый­ныф­ка ба­ру­чы ба­ла­лар­га мәк­тәп ки­рәк-ярак­ла­ры тап­шы­рдылар. Акция кысаларында күп балалы һәм янгыннан зыян күргән гаиләләргә дә ярдәм күрсәтелде, җырлар яңгырады, биюләр башкарылды. Соңыннан балаларны Сарманның "Шәфкать" халыкка социаль хезмәт күрсәтү үзәгенә чәй табынына чакырдылар.

Исегезгә төшерәбез: акция кысаларында бүген 20.00 сәгатьтә район үзәк ял паркында "Сарман" киноучреждениесе мультфильм күрсәтәчәк.